Administrata e Trump do ta bëj edhe më vështirë hyrjen e miliona vizitorëve në Amerikë pasi që do të kërkojë nga ta kontrolla të reja sigurie për të dhënë viza turistike, biznesi apo për vizita të të afërmeve. Tash për një vizë do të kontrollohen edhe rrjetet sociale
Urdhrat diplomatik që janë dërguar javën e fundit nga sekretari i shtetit Rex W. Tillerson për të gjitha ambasadat amerikane i jepen instruksione konsullatave që të rrisin kontrollat e tyre. Në radhë të parë kërkohet ‘verifikim ekstrem’, një gjë që Trump e kishte kërkuar gjatë fushatës presidenciale.
Rregullat e reja nuk do të aplikohen për 38 vende – përfshirë shumicën e vendeve europiane dhe aleatëve si Australia, Zelanda e Re, Japonia dhe Koreja e Jugut – qytetarët e të cilëve mund të marrin viza me procedurë të shpejt nëpër mes programit për heqjen e vizave. Asnjë vend nga Lindja e Mesme apo Afrika s’do të jenë pjesë e këtij programi. Më 2016, SHBA kishte lëshuar më shumë se 10 milion viza për vizitorët e huaj, transmeton GazetaExpress.
Edhe rregullat strikte për gjashtë vendet me shumicë muslimane janë pezulluar sepse gjykata federale ka bllokuar ndalesën përkohësisht të Trump.
Mirëpo, Trump dhe skuadra e sigurisë kombëtarë të tij nuk janë duke pritur për ti vendosur këto rregulla të reja për të hyrë në SHBA. Zyrtarët e ambasadave tashmë duhet të shqyrtojnë një mori dokumentesh të aplikatëve për viza ku do të përcaktojnë nëse ata mund të shkaktojnë rrezik për sigurinë e SHBA’ve, thuhet në kabllot diplomatike që janë dërguar në mes të 10-17 mars.
Rregullat shtesë do të bëjnë që të pyesin në detale aplikantët për të kaluarën e tyre, ti bëhet një kontroll me mandat në historinë e tyre të rrjeteve sociale si dhe të shikohet nëse ata kanë kaluar ndonjëherë në ndonjë territor që kontrollohet nga Shteti Islamik, përgatiti “GazetaExpress”. (b.an)
