UEFA ka ‘fundosur’ përfundimisht ekipin e Skënderbeut të Korçës.
Institucioni më i lartë i futbollit ka vendosur që ta dënojë për trukime Skënderbeun me 10 vjet përjashtim nga të gjitha kompeticionet europiane.
Përveç kësaj, Skënderbeu dënohet edhe me një milion euro gjobë.
Kërkesa e inspektorëve u bë në datë 7 shkurt, në 24 mars u zhvillua seanca dëgjimore në të cilën morën pjesë edhe përfaqësuesit e Skënderbeut, ndërsa sot është zbardhur vendimi.
Skëndërbeu mësohet se ka 60 ditë afat që të kundërshtojë këtë vendim.Tashmë shpresa e vetme e Skënderbeut është CAS, Gjykata e Arbitrazhit Ndërkombëtar. Ekipin shqiptar e pret një rrugë e vështirë përpara për të pastruar imazhin.
Vendimi i UEFA-s hap garën në kampionatin shqiptar, pasi të gjithë ekipet do të luftojnë për vendin e dytë, që të dërgon automatikisht në Champions League, pasi Skënderbeu, pavarësisht se mund të fitojë titullin kampion nuk do të ketë të drejtë që të marrë pjesë në garat në Europë.
a.ç
