Pas vendimit të marrë nga qeveria që e kalon truallin e Teatrit Kombëtar në pronësi të Bashkisë së Tiranës, ka reaguar dhe Aleanca për Teatrin.
Aktivistja Adriana Kalaja tha se do të padisë në SPAK zv.kryeministrin Erion Braçe, firmën e të cilit mban VKM-ja e kaluar dje në Këshillin e Ministrave.
“I pari është Erion Braçe. Por do të çojmë gjithë drejtuesit e institucioneve që kanë qenë pjesë e padisë në Gjykatën Kushtetuese. Kryeministrin, ministren e Financave, të Kulturës dhe Kryetarin e Bashkisë”, tha Kalaja mesditën e sotme.
Vendimi i Keshillit te Ministrave vjen disa javë pasi Gjykata Kushtetuese pezulloi ndërtimin e Teatrit të ri Kombëtar duke rrëzuar kështu ligjin special dhe kalimin e Teatrit në pronësi të Bashkisë Tiranë.
/m.j
