Policia e Elbasanit i ka vendosur sekuestro preventive pasurisë së 33-vjeçarit, me iniciale M.K, vlera e së cilës shkon deri në 700 mijë euro.
Sekustrimi është bërë ditën e sotme pas finalizmit të operacionit “Invest”, që u realizua pas regjistrimit të hetimit të procedimit penal në Prokurorinë e Elbasanit për veprën penale “Pastrimi i produkteve të veprës penale ose veprimtarisë kriminale”.
Sekuestrimi – Policia e Elbasanit njofton se iu vendos sekuestro preventive 3 pasurive të paluajtshme të 33-vjeçarit, që dyshohet se janë përfituar nga aktiviteti kriminal.
-1 apartament me sipërfaqe 350 m2
-1 truall me sipërfaqe 5000 m2.
-1 ndërtesë 200 m2
-1 automjet
Në bashkëpunim me Prokurorinë Pranë Gjykatës së Shkallës së Parë Elbasan, po vijojnë hetimet dhe verifikimet, për evidentimin e pasurive të tjera të luajtshme dhe të paluajtshme në emër të këtij shtetasi.
Ndërkohë që dje u sekuestrua pasuri me vlerën e 500 mijë eurove në emër të dy prej grabitësve të Rinasit, Klement dhe Eldi Çalës, vëllezër. Aksionet, apartamentet dhe truallet, në pronësi të dy vëllezërve që janë sekuestruar janë përfituar nga aktiviteti kriminal.
g.kosovari
