Një aksident i rëndë me pasojë vdekjen e një personi dhe palgosjen e dy të tjerëve ka ndodhur në Tropojë, në aksin Bajram Curri-Fierzë.
Një makinë tip “BMW” me drejtues N.M. banues në Bajram Curri është përplasur me mjetin tip “Benz” me drejtues F.D. banues në fshatin Dushaj, i cili udhëtonte me vëllanë dhe dy pasagjer.
Si pasojë e aksidentit ka gjetur vdekjen M.D. 64 vjeç, banues në fshatin Dushaj, vëllai i drejtuesit të mjetit tip ‘Benz’, si dhe janë transportuar në spitalin e Traumës Tiranë, drejtuesi i mjetit tip “Benz” F.D. rreth 53 vjeç, banues në fshatin Dushaj, dhe i mituri E.H. rreth 7 vjeç.
Viktima udhëtonte në mjetin tip benz i cili ka dalë nga rruga pas përplasjes. Raportohet se policia ka ndaluar drejtuesin e mjetit tip BMW./a.m.
