Një ngjarje e rëndë është shënuar në orët e mbrëmjes së kësaj të mërkure në qytetin e Vlorës, ku dy persona kane mbetur te vrare në një lokal pranë Sheshit të Flamurit.
Sipas informacione, viktima kanë mbetur drejtori i OSHEE të qytetit të Vlorës, Roland Saliu (i cili u vra aksidentalisht) dhe pronari i një lokali, shtetasi Erven Hyseni (shenjestra e atentatoreve). Ky i fundit rezulton dhe pronar i nje televizioni lokal, ‘Vlora Channel’. Mësohet se Hyseni ka ndërruar jetë në spital, ndërsa drejtori i OSHEE humbi jetën në vend.
Mendohet se shënjestër e atentatit ka qenë pronari i televizionit lokal, “Vlora Channel’, kurse drejtori i OSHEE ka mbetur i vrarë aksidentalisht, pasi ndodhej bashkë me objektivin e atentatorëve.
Nga burimet mësohet se Saliu dhe Hyseni ndodheshin të ulur në një lokal, kur papritur janë përshkuar nga breshëria e plumbave, rreth orës 19:40.
Mendohet se autorët të kenë qenë të maskuar, të paktën sipas dëshmitarëve. Dyshohet se është një atentat i mirëfilltë, pasi automjeti i autorit/autorëve, është gjetur i djegur në një fshat të Vlorës. Plumbat raportohet se kanë dalë nga një armë kallashnikov.
Policia ka blinduar qytetin në të gjitha hyrjet dhe daljet. Mendohet se autorët janë larguar nëper fshatrat e Vlorës.
Nga gëzhojat e mbledhura në vendin e ngjarjes hetuesit kanë arritur në përfundimin se autorët kanë hapur zjarr me një armë automatike
Në momentin që ka ndodhur ngjarja lëvizja e qytetarëve në zonë nuk ka qenë e paktë./javanews.al/a.ç
(Roland Saliu, ish-Kreu i OSHEE Vlore, i vrare aksidentalisht)
(Foto e shenjestres se atentatit,Erven Hyseni)
vijon
