Një 23 vjeçar nga Prizreni ka ndërruar jetë si pasojë e plagëve që ka marrë një sulm më thikë.
Ai ka qenë duke lëvizur me një motoçikletë, kur një veturë e ka goditur dhe më pas dy persona kanë dalë dhe e kanë sulmuar me thikë.
Lajmin e ka konfirmuar për mediat zëdhënësi i policisë për rajonin e Prizrenit, Shaban Osmanollaj.
“Policia ka marrë informatë për një sulm rreth orës 14 e 30 nga disa persona të dyshimtë. Policia ka kontaktuar me një dëshmitar që ka qenë bashkë me viktimën”.
Dy të dyshuarit janë ndaluar, ndërsa aktualisht policia është duke kontrolluar shtëpitë e tyre. I riu që vdiq është nga qyteti i Prizrenit, i lindur më 1997.
