Opinioni publik, por dhe vetë forcat e rendit gjerman janë tronditur teksa kanë zbuluar një ngjarje makabër.
Bëhet fjalë për 7 trupa të pajetë foshnjesh të gjetura në Wallenfels. Lajmi që tashmë është zyrtar, është mësuar mëngjesin e sotëm ndërsa pritet të zbardhen detaje të mëtejshme mbi ngjarjen si dhe identitetin e çiftit.
Burime nga policia gjermane thanë se fillimisht janë zbuluar 2 trupa dhe më pas të tjerët. Për të dalë në një konkluzion të saktë, autoritetet thanë se hetimi do të marrë të paktën një javë kohë për shkak të provave të munguara.
Megjithatë, policia thotë se dyshimet e para hidhen mbi një nënë 46-vjeçare, e cila ka jetuar aty më parë.
