Nga Sokol Balla
Të enjten i gjithë publiku politikëdashës, mban frymën për orë të tëra me radhë, për të ndjekur live, shpërthimet e deputetëve para kamerave televizive. Me thënë të drejtën, kamerat janë të RTSH, pra të të vetmit ekran, për të cilin ne, të gjithë qytetarët e këtij vendi, paguajmë një taksë vjetore. Në fakt ne paguajmë me paratë tona, tritolin që shpërthen [do të enjten në ekran. Që na prish midenë, oreksin, shumë vetëve edhe gjumin, kryesisht familjarëve të deputetëve, gazetarëve dhe [do njeriu tjetër, që puna e lidh me politikën në Shqipëri.
Prej kohësh e kam menduar: pse gjithë televizionet e Tiranës, kryesisht ato që merren me lajme, presin transmetimet normale dhe lidhen me seancen e Kuvendit, edhe atë me ordineren dhe më të zakonshmen? A thua vallë ka kaq interes të dëgjojmë bro[kullat e deputetëve (disa prej tyre), që në vend të gojës, kanë një hale, që nxjerrin vetëm mut dhe baltë, t’i shohim live në 20 ekrane njëherësh? Që nuk ka fare interes, këtë nuk di ta them, por jam i bindur, se shumica e ekraneve, kanë rënë në përtacinë e pritshmërive të supozuara e dyshimshëm të vërteta, se shqiptarët vdesin të shohin ndonjë deputet, që leh si bu[e plakë pa mbarim, nga goja me dhëmbët gjysëm të prishura, sharje, shpifje, kërcënime, të cilat ai vetë për shkak të ila[eve, i harron kur del nga Kuvendi, kurse ne të tjerët, njerëz normalë, i përflasim me shqetësim me ditë të tëra. Shumica e televizioneve, përtojnë apo nuk kanë mjete financiare mjaftueshëm për të bërë punën e tyre dhe i bien shkurt, duke marrë feed-in e RTSH, që e paguajmë po ne vetë. Gazetarët politikë, shumë me dashje, ndonjë pa dashje, janë kthyer parazitë të paguar, që lajmin, fotot e tashmë edhe videot i marin me e-mail nga zyrat politike të shtypit.
Edhe më e rëndë është situata në RTSH. Me ligj, enti i vetëm publik në vend, sa herë ka seancë Kuvendi, është i detyruar të ndërpresë transmetimet normale dhe të transmetojë parlamentin për 12 orë rresht. Pse? Kur ndërkohë RTSH edhe sot që flasim, ka disa kanale dixhitale, që transmetojnë programe që përsëriten prej njezet vjetësh? Përse një prej këtyre kanaleve, të mos kthehet në RTSH Parlament, si[ e kanë Shtetet e Bashkuara (C-Span), Britania e Madhe (BBC Parliament), Greqia (Vouli) apo edhe Italia, dhe të transmetojë jo vetëm seancat plenare, por edhe mbledhjet e komisioneve, për të rritur kështu transparencën maksimalisht të veprimtarisë së Parlamentit? Por edhe të ketë të drejtën ekskluzive të këtyre transmetimeve? Që TV e tjera, të kenë mundësi të marrin feed për kronikat, por jo për maratonat shumë orëshe me tritol tërë mut politik, që ndot ambientin publik shqiptar.
Vetëm kështu të hënat dhe të enjtet tona do jenë ditë thuajse normale. Kur televizionet private të paktën nuk do të kenë mundësinë të përhapin helmin e ankthit të tritolit të ekranit, që vjen nga Kuvendi.
Kështu të hënat dhe të enjtet, mund të kthehen ditë normale, edhe për motrën e Taulantit, babain e Sajmirit, por ndoshta edhe për Abin, Shkelzenin dhe partneren e tij te radhës.
