Një shpërthim me lëndë plasëse ka ndodhur në afërsi të një spitali në rrugën “Pjetër Budi”.
Raportohet se lënda plasëse ishte vendosur në gomën e parë të automjetit në pronësi të shtetases me iniciale M. K..
Si i pasojë ka pasur vetëm dëme materiale dhe grupi hetimor po punon për identifikimin e autorëve.
Ndërkohë po sot, një shpërthim me lëndë plasëse u dëgjua në një lagje periferike të Elbasanit.
Burime jo zyrtare bënë me dije se shpërthimi u dëgjua rreth orës 22:00 të mbrëmjes së mërkurë në afërsi të një blloku banimi përgjatë rrjedhës së përroit të Zaranikës në lagjen “Banesa”.
Nga shpërthimi ka patur thyerje të xhamave të dritareve të disa apartamenteve.
Lënda plasëse ishte vendosur në oborrin e pallatit afër hyrjes së një apartamenti.
