Deputeti demokrat, Tritan Shehu, ndërsa ka përkujtuar viktimat e regjimit aktual të Tiranës, sot në Ditën e viktimave të regjimeve totalitare e autoritare, i është kundërvënë Qeverisë, duke thënë se viktima të këtij regjimi janë ata mijëra të vdekur, edhe nga Covid-i.
Ai thotë se kjo Qeveri nuk u siguron këtyre të fundit as të drejtën elementare, atë të shëndetësisë falas.
“Shqiptarët duhet të ulërijnë fort pikërisht në këtë ditë”, është shprehur ai.
Shehu gjithashtu ka thënë se viktima të këtij regjimi janë ata qindra mijëra, që u detyruan të braktisin vendit në tetë vite nga diskriminimi, varfëria, pasiguria, pamundesia për mbështetje arsimore, shëndetësore, etj.
“Janë viktima të këtij regjimi ata që për të siguruar “kafshatën” detyrohen të punojnë nën pushtetin e trafikantëve në fushat e kanabisit në Shqipëri etj, produkt i përbashkët i këtij regjimi me krimin. Janë viktima të këtij regjimi ato vajza, që detyrohen të prostituojnë kudo, sepse ky regjim i la në mes të katër rrugëve”, thekson më tej.
Janë viktima të këtij regjimi të gjithë shqiptarët, edhe në Kosovë, për goditjen e rëndë, që i dha interesave kombëtare nëpërmjet mekanizmave si “Jugosllavia e Re”, ndryshimi i kufijeve, vendosja e Vuçiçit si lider i Ballkanit etj, me pasoja të rënda afat gjatë.
“Dhe në fund të kësaj liste, që mund të zgjtatet pa fund krimesh të këtij regjimi, po vendos devijimin, që ky po i bën rrugës europiane e Perëndimore të të gjithëve ne, për të na degdisur diku larg në Lindje. Sepse, këta regjime janë të papranueshëm për demokracitë, për Europën, Perëndimin dhe e kanë strehën diku larg në skutat lindore.
Pikërisht aty ku fatkeqësisht të tilla regjime po shtohen dhe po bëhen gjithmonë e më të rrezikshme për vlerat, liritë, demokracinë, si po ndodh me vendin tonë”, përmbyll Shehu./m.j
Lavdi preshit heroik!