Ardian Mema lajmëron largimin nga drejtimin i Tiranës, vetëm pak javë pasi mori drejtimin e klubit. Menjëherë pas ndeshjes me Luftëtarin, trajneri ka deklaruar për Supersport, se kjo mund të jetë ndeshja e fundit të tij me Tiranën. Ai tha se është situatë e pa shpjegueshme ajo që po kalon Tirana, që shënon e para dhe më pas kundërshtarët përmbysin rezultatin.
“U bë gjatë gjithë kohës që flasim për anën psikologjike, por ekipi gjithsesi tregon në fushë se ka mundësi për të shënuar, por nuk i di arsyet se si pësojmë gol. Jemi pak të papërqëndruar, kam qenë shumë nervoz tek kjo pjesa se si është vendosur skuadra në goditjet standarde. Nuk mund të bëjmë kështu gabimesh te ekipi i parë.
Kalsifikimi na thotë për mbijetesë, Tirana është për mbijetesë. Për momentin nuk mund të llogarisësh asgjë tjetër veç mbijetesës. Të them të drejtën nga kjo lloj situate që shënojmë gol dhe pasaj pësojmë dy, realisht e kam parë nëpër video, as vet në këto momente nuk di se çfarë të them. Mund të jetë dhe ndeshja ime e fundit kjo.
Të them të drejtën do shoh dhe do flas me presidentin dhe drejtuesit e klubit dhe do vendos. Ia kam thënë që në fillim që brenda meje nuk ekziston fare fjala mbijetesë apo diçka e kësaj natyre. Tirana duhet të ketë forca për të përballuar ndeshjet në vazhdimësi, sepse Tirana ka ndeshje të forta”-tha Ardian Mema.
/b.d
