Treni i linjës Tiranë-Durrës ka aksidentuar një 21-vjeçare ditën e sotme. Ngjarja ka ndodhur rreth orës 17:00 pranë tunelit të Rrashbullit.
Si pasojë e goditjes, 21-vjeçarja ka pësuar dëmtime të mëdha, si dhe ka humbur njërën këmbë. Ajo është dërguar në spitalin e Durrësit, ku mësohet se ndodhet në spital në gjendje të rëndë shëndetësore.
Sakaq, policia e mbërritur në vendngjarje ka ndaluar mashinistin deri në sqarimin e rrethanave, si dhe po punohet për zbardhjen e plotë të aksidentit.
Raportohet se ky është aksidenti i dytë që ndodh në të njëjtin vend.
Pak kohë më parë një e moshuar humbi jetën mu ne ate vend.(BW)
