Një ngjarje e rëndë ka ndodhur në burgun e Vlorës, ku tre persona që po e vuajnë dënimin në këtë burg kanë dhunuar një tjetër.
Të dënuarit Eduart Xhezo, Emilent Xhepa, Lulzim Demiraj kanë rrahur dhe dhunuar të dënuarin tjetër Eduart Ahmetin.
Në momentin që efektivët e policisë së burgjeve kanë ndërhyrë për t’i ndarë, tre të burgosurit kanë dhunuar edhe gardianët. Ngjarja ka ndodhur më tre maj në ambientet e dhomës së telefonatave.
Pas kësaj përleshjeje, drejtori i Përgjithshëm i Burgjeve Agim Ismaili i ka izoluar Eduart Xhezon, Emilent Xhepën dhe Lulzim Demirajn për tre muaj në biruca.
Report Tv raporton se pak ditë më parë një situatë e tensionuar u shënua edhe në burgun e Reçit, ku disa të burgosur i vunë flakën dhe dhunuan gardianin në sektorët e ajrimit në këtë institucion.
g.kosovari
