Mbi tre mijë kandidatë kanë aplikuar vetëm në dy javët e para, për 300 vende në shkollën bazë të Policisë së Shtetit.
Burime zyrtare bënë të ditur për gazetën Tema se ka një interes të lartë nga të rinj, jo vetëm që kanë mbaruar shkollën e mesme, por edhe të lartën, për t’u bërë punonjës policie.
Aplikimet, që dorëzohen pranë çdo Drejorie vendore, mbyllen në datë 15 shkurt.
300 vendet për studentët e rinj të rolit bazë, janë ndarë: 204 meshkuj, 90 femra dhe 6 kuota janë përcaktuar për minoritetet.
Pas mbylljes së fazës së aplikimeve, me urdhër të Drejtorit të Policisë Haki Çako do të caktohet data e konkurimit me shkrim dhe të përzgjedhurit që sigurojnë pikët e përcaktuara, do të vijojnë garën më tej në testin fizik dhe psikologjik.
Ky është kursi i dytë 6 mujor për rolin bazë, ndërsa nga vjeshta e kaluar ka nisur edhe shkolla e lartë e Policisë së Shtetit.
TEMA
