Dy vëllezër janë arrestuar në flagrancë, pasi janë kapur duke transportuar mall kontrabandë. Burime policore bëjnë me dije se në pranga janë vënë Resul Hoxha, 34 vjeç dhe Ermal Hoxha, 31 vjeç, të dy banues në lagjen ”Palorto” Gjirokastër.
Arrestimi i tyre u bë pasi rreth orës 01:30, të ditës së djeshme në rrugën Fier-Lushnje, në vendin e quajtur ”Safar”, janë kapur nga Patrulla e Përgjithshme e Policisë Fier, duke transportuar me automjetin tip “DACIA” me targa TR 7096 R, një sasi prej 202 kilogram kafe ekspresi, pa dokumentacion përkatës.
Lidhur me rastin, materialet i kaluan prokurorisë pranë Gjykatës shkallës parë Fier për veprën penale “Kontrabandë me mallra që paguhet akcizë” e kryer në bashkëpunim.
