Përfaqësues të Shoqatës së Transportit Publik kanë përfunduar takimin në Bashkinë e Tiranës, ndërsa për mediat ata thanë se nuk ka asnjë rezultat përfundimtar. Shoqata në fjalë paralajmëroi një konferencë për shtyp për ditën e nesërme, ndërkohë që u shprehen se nuk janë ftuar në Këshill Bashkiak për të ndjekur diskutimet.
“Bashkia ka plane të mira, por që duan kohë. I bëjmë thirrje Veliajt të shohë sesa është çmimi i biletës në Prishtinë” – thanë përfaqësuesit e shoqatës.
Prej disa ditësh është kërkuar rritja e çmimit nga 30 në 70 lekë për biletën e transportit publik, kërkesë kjo e refuzuar nga Bashkia.
