Të gjithë ata qytetarë që do të hyjnë në Tiranë nga pjesa juglindore tashmë do të mund të shohin një instilacion të ri që i është shtuar kryeqytetit.
Bëhet fjalë për një kopsht të stilit japonez, të krijuar në sheshrrotullimin e Saukut, ku nuk mungojnë elementët dekorativë tipikë për këto kopshte si gjelbërimi, shkëmbinjtë, dhe gurët e bardhë.
Lajmin e ka bërë të ditur vetë kryebashkiaku i Tiranës, Erion Veliaj, përmes një postimi në rrjetet sociale, teksa publikon edhe disa foto në terren, ku punonjësit e Agjencisë së Parqeve dhe Rekreacionit pranë Bashkisë po punojnë për ta realizuar këtë projekt në detaje.
“Kopshti japonez, në hyrje të qytetit, është një xhevahir tjetër që i shtohet Tiranës!’- shkruan kryebashkiaku Veliaj./m.j
