Kvicha Kvaratshkelia transferohet te Paris Saint Germain.
Ylli gjeorgjian zbarkoi në sekret të plotë nën Kullën Eifel, për të zhvilluar vizitat mjekësore. Ai do të firmosë kontratë deri në vitin 2029 me kampionët e Francës, teksa Napoli përfiton në total 75 milionë euro: 70 milionë menjëherë nga shitja dhe 5 milionë euro në formën e shpërblimeve.
Kvara e konfirmoi largimin nga të kaltrit me një video emocionuese drejtuar tifozëve të Napolit, ku vendosi të mos e rinovonte kontratën, por të provonte aventurën në Paris.
Ai ka luajtur 107 ndeshje me italianët, duke shënuar 30 gola dhe ka dhënë 29 asist, teksa ka qenë protagonist kryesor në titullin kampion të sezonit 2022-2023.
