Një ngjarje e rëndë kriminale ka ndodhur në Shkodër gjatë orëve të para të mëngjesit duke gdhirë e hëna.
Një 28-vjeçar është vrarë me thikë nga shoku i tij pas një sherri banal.
Viktimë ka mbetur shtetasi Kolë Fermosi. Sipas policisë, ai është goditur me thikë nga 27-vjeçari Kristian Shkambi jashtë ambienteve të një lokali në Hot të Ri në Shkodër.
Burime nga policia bëjnë me dije se konflikti mes tyre ka nisur brenda në lokal, ndërsa më pas ata kanë dalë jashtë ku edhe situata është agravuar më shumë.
Shkambi në sherr e sipër ka nxjerr thikën dhe ka goditur në zemër 28-vjeçarin, duke e lënë të vdekur në vend.
Policia ka shkuar menjëherë në vendin e ngjarjes, ku ka arrestuar autorin e krimit./a.m.
