Një aksident tragjik i ka marrë jetën një shqiptari në Aretino të Italisë.
Sipas mediave të vendit fqinj ai është 35-vjeçari Shpëtim Halili, i martuar dhe baba i një djali të vogël.
Mësohet se shqiptari po kthehej në shtëpi mbrëmjen e kaluar, teksa udhëtonte me një motor skuter.
Aksidenti ndodhi në Sitorni, ndërsa në vendin e ngjarjes është gjetur edhe një Fiat 500 L, i drejtuar nga një 60-vjeçar nga Arezzo.
Hetuesit pritet të sqarojnë nëse skuteri u rrëzua dhe pastaj u përplas me makinën ose përplasja e drejtpërdrejtë ishte ajo që shkaktoi vdekjen e tij.
Pas rrëzimit, i cili ndodhi pak pas mesnate, teksa 35-vjeçari po kthehej në shtëpi, mjekët e emergjencës ndërhynë për të rikthyer në jetë, por më kot. /a.r
