Detaje të reja nga grupi hetimor i ngritur për të zbuluar shkaqet e vdekjes së katër turistëve rusë në Qerret të Kavajës.
Sipas “abcnews” Leonidha Musai ka mësuar se turitsët kishin ardhur në Shqipëri ditën e diel. E ndërsa gjatë ditës shëtisin në qytete të ndryshe brenda dhe jashtë Shqipërisë, në darkë ktheheshin në hotelin që kishte zgjedhur në Qerret.
Ditën e djeshme rusët kishin udhëtuar drejt Ohrit, pasdite në Durrës dhe në darkë rreth orës 19:00-20:00 ishin rikthyer në Qerret. Nuk konsumuan ushqim në darkë në hotel. Në grup me familjen ruse, ishin edhe katër bashkatdhetarë të tyre.
Kamerat e sigurisë së brendshme të hotelit tregojnë se kanë zbritur nga dhoma dhe kanë porositur saunën dhe recepsionstja i ka dhënë robdishamb.
Nuk janë futur në sauna. Recepsionstja ka shkuar dy herë duke çuar pije dhe herën e tretë i ka gjetur burrë grua me këmbët në pishinë dhe të shtrirë. Dhëndri ishte në shezlong dhe vajza e çiftit pak më tej.
Gjithë enigma është se çfarë kanë konsumuar gjatë ditës.
Viktimat janë Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç dhe Ekaterina Burenkova 31 vjeçe./ abcnews
g.kosovari
