Ngjarja në Berlin ka tronditur mbarë opinionin, por këngëtari shqiptar Dashnor Diko më shumë nga të gjithë pasi një ditë para sulmit ndodhej në të njëjtin vend, ku mbetën të vrarë 9 persona mbrëmjen e së hënës.
Këngëtari shqiptar Dashnor Diko, ka lajmëruar nëpërmjet një statusi në Facebook se një ditë më parë ka qenë në tregun e krishtlindjeve në Berlin, vend ku ndodhi edhe sulmi terrorist.
“Faleminderit o zot. Në Berlin, në vendin ku ka ndodhur tragjedia, ishim mbrëmë tre familje bashkë me fëmijët tanë, të cilët morën kënaqësinë te ato lojna. Zoti na paska ruajtur dhe keqardhje në maksimum për ata viktima”, është statusi që këngëtari ka bërë në Facebook.
Një kamion u fut mbremjen e se henes brenda në tregun e Krishtlindjeve. Si pasojë e këtij sulmi humbën jetën 9 persona dhe lënë 50 persona të plagosur.
shqiptarja.com/d.i.
