Një shpërthim tragjik ndodhi në uzinën e përpunimit të naftës në Ballsh mbremjen e së enjtes ku humbi jetën një person dhe u plagosën 6 persona të tjerë. Viktimë e shpërthimit tragjik në repartin nr. 3 të uzinës i mori jetën shtetasit Shkëlqim Muça, baba i 5 fëmijëve. Viktima ishte shumë pranë vendit të shpërthimit në pompat e hidrogjenit në repartin fundor të përpunimit të naftës.
Ndërkohë, në gjendje më të rëndë është edhe një tjetër i plagosur. 4 prej të plagosruve u transportuan rreth orëve të para të mëngjesit në qendrën Spitalore Universitare “Nënë Tereza” për ndihmë më të specializuar. Të plagosurit që u transportuan në Tiranë janë shtetasit Fatos Bushaj, Kovac Pashaj, Aleks Kube dhe Viktor Proska.
Sipas raportimeve, të 4 këta persona janë jashtë rrezikut për jetën.
Ndërkohë 1 i plagosur më lehtë u trajtua në spitalin e Ballshit ndërsa një tjetër në atë të Fierit.
Tre personat e tjerë të plagosur që ndodhen në Fier, mes tyre edhe zjarrfikësi, Gramoz Fejzo janë jashtë rrezikut për jetën. Sipas dëshmive në repartin ku ndodhi shëprthimi ishin mbi 30 persona.
U deshën rreth 50 minuta që shërbimi zjarrfikës të arrinte të shuante totalisht flakët e zjarrit.
Një hap nga shpërthimi apokaliptik
Tragjedia mund të ishte e përmasave shumë më të mëdha. Fatmirësisht flakët u arritën të izolohen dhe u shmang përhapja e tyre në reaktorin e katalizatorëve ku ndodh procesi kimik fundor. Sipas ekspertëve nga uzina e Ballshit, vetëm 5 metër larg vendit ku ndodhi shpërthimi ndodhej reaktori. Prekja e tij nga flakët sipas ekspertëve do të shkaktonte një tragjedi të përmasave të pa para ndonjëherë, që rrezikont jo vetëm uzinën gjigande e përhapur në disa hektarë, por edhe fshatrat aty pranë.
Zjarrfikësi i plagosur në shpërthimin e uzinës së naftës në Ballsh, Gramoz Fejzo, rrëfen si ndodhi ngjarja. Në dëshminë e tij për Report Tv, Fejzo thotë se Uzina shpërtheu në moment dhe se zjarr si ai i një nate më parë nuk kishte rënë ndonjëherë.
“Uzina shpërtheu në moment. Gjithçka ndodhi papritur. Ishim 6 veta të zjarrfikëses në vendin e ngjarjes. Zjarr si ky s’ka pasur ndonjëherë në uzinë“, u shpreh ai.
Fejzo thotë se pavarësisht flakëve, ekipi i zjarrfikëses punoi për të shpëtuar jetët njerëzore. “Pavarësisht nga flakët punuam në Uzinë dhe nxorëm një viktimë i cili ishte i djegur”.
Deklarata e Policisë
Më datën 10.11.2016, në uzinën e Ballshit, në Repartin nr 3, ne seksionin 92, ka ndodhur një shpërthim i nje valulave te pompes se hidrogjenit ku është shoqëruar me flakë te mëdha.
Nga shpërthimi ka humbur jeten Sh. Muça, 40 vjeç nga Ballshi, 1 person eshte ne gjendje te rende, ndersa 4 te tjere jane jashte rrezikut per jeten.
Shërbimet e policisë dhe zjarrfikset ndodhen në vendngjarje dhe po punojnë për normalizimin e situatës dhe zbardhjen e shkaqeve të kësaj ngjarje.
Aktualisht zjarri eshte vene nen kontroll.
Grupi hetimor ne bashkepunim me Prokurorine po kryejne veprimet ne vendngjarje./a.m.
Momentet e shpërthimit në uzinë
