Policia ka gjetur një letër nga 21-vjeçari Arthur A. autori i sulmit në një shkollë në Graz të Austrisë, sipas Kronen Zeitung.
Gazeta austriake raporton se policia e gjeti shënimin në shtëpinë e autorit, i cili qëlloi veten në shkollë, pasi kishte vrarë dhjetë persona dhe kishte plagosur dymbëdhjetë të tjerë.
21-vjeçari, banor në Graz të Austrisë, kishte ndjekur të njëjtën shkollë, nga e cila nuk u diplomua kurrë, për arsye që ende nuk dihen.
21-vjeçari, një banor vendas dhe ish-nxënës në të njëjtën shkollë, sulmoi dy klasa, duke vrarë tetë persona, duke vrarë gjithashtu një nxënëse jashtë ndërtesës, dhe më pas duke kryer vetëvrasje në tualete, ndërsa operacioni policor ishte tashmë në zhvillim e sipër.
“Sot është një ditë e errët në historinë e vendit tonë. Sulmi është një tragjedi kombëtare, e cila na trishton thellësisht. Vendi është në heshtje në këtë moment. Nëntë persona kanë humbur jetën papritmas. Nuk ka fjalë për të lehtësuar këtë dhimbje. Vendi ynë është në heshtje. Shkolla duhet të jetë një vend arsimimi. Zgjidhja e mosmarrëveshjeve përmes dhunës nuk duhet të bëhet kurrë pjesë e jetës sonë”, tha z. Stocker nga Graz dhe shpalli tre ditë zie kombëtare.
