Mëngjesi i 22 shkurtit doli të jetë i kobshëm për familjen Berisha nga Gjilani. Vajza 10 vjeçare, Erëza, u godit nga një makinë te dera e shtëpisë.
Dy ditë më pas ajo ndërroi jetë në QKUK. Në momentin kritik, Erëza po kthehej nga shkolla, me dëshirën për ta porositur tortën e ditëlindjes, pasi kishte planifikuar festë me shokët dhe shoqet e klasës. Por, vajza e vetme e familjes Berisha, u varros pikërisht në ditën kur do të mbushte 11 vjeçe.
Vijonte klasën e gjashtë, në njërën nga shkollat fillore të qytetit të Gjilanit. Erëza Berisha ishte nxënëse e shkëlqyeshme. Por, jeta e saj mori fund të shtunën pas një aksidenti në të cilin ajo u përfshi më datë 22 shkurt, derisa ishte duke u kthyer nga shkolla për në shtëpi./a.m.
