Geraldo Durda, vëllai i një prej viktimave të Gërdecit, ka përkujtuar ngjarjen tragjike të 15 marsit 2008.
Përmes një postimi në rrjetet sociale, avokati shkruan se nuk ka asnjë amnisti për personat përgjegjës që çuan në shpërthimin e fabrikës së demontimit të armëve.
“15 Mars 2022, 14 Vite nga Tragjedia e Gerdecit, sot me shume se kurre shpresat per drejtesi nuk jane venitur. 14 Vite ne kerkim te drejtesis per ata qe na vrane, ne mes te dites. Fajtoret po dridhen, Drejtesia do vendoset. Jemi shpres plote se Drejtesia do vendoset.
Sot per here te pare pas 14 Vitesh me koken lart do te bejm homazhet per njerezit tane. 14 vite ne kerkim te drejtesis,nuk jemi lodhur, as nuk dorezohemi sepse sot,si gjithnje ne cdo dite,ne cdo kohe, gjithmon, pergjithmon,do te kerkojm ndeshkimin e fajtoreve per tragjedine e Gerdecit. Nuk amnistojme askend. Drejtesi per Gerdecin”, shkruan Durda.
Geraldo Durda në tragjedinë e Gërdecit humbi vëllain e tij 7-vjeçar, Edison Durda./m.j
