Ka kaluar në tragjedi aksidenti i ndodhur me 22 Gusht në aksin Shkodër – Bushat ku u përplasën dy automjete.
Një ditë pas aksidentit ndërroi jetë në spital 30 vjeçari Ildi Xheka nga Bulqiza i cili ndodhej në automjet me nënën e tij pasi nuk mundi t’i mbijetonte plagëve të marra.
Por ky aksident është kthyer në tragjedi pasi pas vetëm një jave ka ndërruar jetë edhe nëna e Ildi Xhekës.
Kane qenë të afërm të familjes Xheka nga Bulqiza të cilët kanë njoftuar vdekjen e 54 vjeçares Dashurie Xheka.
Me 22 Gusht tre automjete u përfshin në aksident në rrugën Shkodër- Lezhë në fshatin Boltojë, një automjet me targa të Kosovës, një të Malit të Zi dhe mjeti me targa shqiptare që drejtohej nga 30 vjeçari nga Bulqiza, Ildi Xheka.
Kujtojmë se katër vite më parë familja Xheka ka humbur edhe kryefamiljarin në një aksident.
/a.r
