Elbasani dhe Egnatia kanë barazuar në “Elbasan Arena” me shifrat 0-0.
Rastet ishin të shumta nga të dyja krahët, por asnjëri prej ekipeve s’e gjeti rrugën e rrjetës.
Ndeshja ishte e pazakontë, pasi Egnatia nuk kishte staf teknik dhe në stol ndodhej vetëm doktori Ervin Karafili dhe përgatitësi atletik Andri Babaj, për shkak të dënimeve nga Komisioni i Disiplinës javën e kaluar.
Në këtë ndeshje u dhanë edhe 2 kartonë të kuq që në pjesën e parë.
Si fillim u ndëshkua Boye i Elbasanit, në minutën e 7-të. Ndërsa 22 minuta më vonë, u ndëshkua Ruçi i Egnatias.
Pas këtij barazimi, Elbasani merr vendin e parë me 53 pikë, 1 më shumë se Vllaznia e vendit të dytë, por shkodranët kanë një ndeshje më pak. Ndërkohë, rrogozhinasit mbeten në vendin e tretë me 51 pikë.
