Familja Gila në Shkodër po përballet me një tragjedi të dyfishtë pasi pas vdekjes së policit Gëzim Gila, ditën e sotme ka ndërruar jetë edhe nëna e tij. Lajmi i hidhur është njoftuar nga vetë djali i familjes Gila edhe ai punonjës policie, Mhill Gila me anë të një postimi në rrjetet sociale.
Mesa duket, zemra e nënës nuk ka duruar dhimbjen për ikjen e parakohëshme e të papritur të djalit dhe ka pushuar së rrahuri.
Ndërkohë kujtojmë se ditën e djeshme u përcoll për në banesën e fundit efektivi i policisë rrugore në Shkodër, Gëzim Gila. Ai kishte qenë i shtruar në spitalin e Shkodrës prej disa ditësh, por virusi i Covid i mori jetën.
