Një ngjarje që i kalon përmasat e imagjinatës njerëzore ka tronditur mëngjesin e sotëm qytetin e Korçës, kur policia gjeti në një banesë në lagjen nr. 4 të këtij qyteti 3 anëtarë të një familje të vdekur.
Për arsye që ende nuk dihen një baba i ka dhënë fund në mënyrë çnjerëzore jetës së dy fëmijëve të tij, duke i varur, e më pas ka varur edhe veten.
Autori është 41- vjeçari Naum Toshi. Para se të kryente aktin e rëndë ai kishte lënë një letër në derën e katit të parë të banesës, e gjetur nga i ati që shkonte çdo mëngjes për t’i ndihmuar. Këtë fakt e konfirmon motra e viktimës Lindita Golka. Sipas saj, me të mbërritur në banesë i ati ka gjetur letrën me mbishkrimin “Ngjituni lart”.
Naum Toshi ndodhej vetëm më dy fëmijët e tij 4 dhe 6 vjeç pasi më 17 nëntor gruaja e kishte braktisur atë për një burrë tjetër.
Shkak i krimit makabër dyshohet të ketë gjendja e rënduar psikologjike e 41- vjeçarit pas braktisjes nga bashkëshortja e tij.
Gjithashtu, Toshi mësohet se ishte prind i 4- vjeçarit e ndërsa 6- vjeçari ishtë fëmijë i një lidhjeje të mëparshme te gruas së tij.
Nuk raportohet që 41- vjeçari të ketë pasur probleme mendore dhe njihej nga të afërmit si njeri i qetë dhe jo problematik, por braktisja nga bashkëshortja ka bërë që të jetë në gjendje të rënduar emocionale.
41-vjeçari Naum Toshi e kishte paramenduar krimin monstruoz, por ende nuk dihet nëse e bëri në shenjë “hakmarrje” për gruan që i kishte braktisur.
Fqinjët e njihnin Naumin si njeri të urtë, serioz e punëtor, për nuk thonë të njëjtën gjë për gruan e tij. Mësohet gjithashtu se djali i madh, 6-vjeçari, ishte fryt i martesës së parë të bashkëshortes, me të cilin kishte edhe një djalë tjetër 4-vjeçarin.
Të tronditur nga kjo ngjarje e rëndë, fqinjët thonë se kanë dëgjuar të bërtiturat e fëmijëve, po kurrë nuk mendonin këtë që do ndodhte.
Njoftimi i policisë
Më datë 05.12.2016, ora 07:36 jemi njoftuar nga një telefonatë se në lagjen nr 4-Korçë eshte vetvarur ne banese shtetasi N.T, 41 vjeç.
Menjëherë në vendngjarje kanë shkuar shërbime të Policisë dhe Ambulanca.
Në vendngjarje u kostatua se ky shtetas ka varur dhe dy femijet e tij të mitur.(djemtë e tij)
U ngrit grupi hetimor po punohet per te zbardhur rrethanat e ngjarjes.
vijon…
shqiptarja.com/d.i.
