Ministri i Mjedisit dhe Turizmit, Blendi Klosi, ka reaguar për mbetjet e rrezikshme të cilat u kapën në Vlorë në një traget, duke thënë se operacioni verifikoi se sa problem i madh është për Shqipërinë.
Ndër të tjera nga Prespa, Klosi tha se operacioni isthe i organizuar qartësisht dhe shënoi sukses.
”Operacioni i djeshëm i organizuar në mënyrë të struktuar nga Ministria e Rendit dhe Ministria e Mjedisit së bashku me autoritet lokale në Vlorë ishte një aksion i cili shënon një nga më pikat kulmore në kuadër të gjithë përpjekjeve që bëjmë ne për të vazhduar në mënyrë të fortë moratoriumin e mbetjeve te rrezikshme në vendin tonë, ishte nje operacion i cili u planifikua qartësisht dhe shënoi sukses sepse gjithë strukturat përfshirë gjerësisht strukturat e mjedisit, kryen atë operacion duke verifikuar tashmë sesa i thellë është ky problem”, tha Klosi.
Më tej, ministri i Mjedisit u shpreh se:
“Eshtë një ngjarje e ditës së parë apo ka raste të tjera për të cilat do të hetohet dhe hetimi do të shkojë thellësisht në gjithë aktivitetin për mua shumë kriminal që ka zhvilluar ajo kompani, megjithatë do ia lëmë hetimit fjalën e fundit dhe laboratorëve shkencorë që të vërtetojnë përbërjen e atij materiali dhe rrezikshmerinë qe ai ofron për njerëzit por ndihem mirë që patëm një kombinim të jashtëzakonshëm me policinë e shtetit dhe në kuadër të reformimit te institucioneve që kontrollojnë mjedisin në Shqipëri pasi mbrojtja e mjedisit është bërë detyrë e gjithë shoqërisë dhe njerëzit kanë shumë në dorë. Informacioni erdhi nga qytetarë dhe u veprua nga institucione shtetërore.
Do doja shumë që kushdo qytetar që verifikon një shkelje të trajtimit të mbetjeve urbane të asaj çfarë tashmë është dhe një vepër penale një krim mjedisor të informojnë strukturat e rendit strukturat mjedisore dhe strukturat që kanë të bëjnë me platformat e bashkëqeverisjes që është komunikimi i drejtpërdrejtë me qytetarët.
Qartazi po ju bëj thirrje që në kuadër të reformës të institucioneve mjedisore duke bërë një reformë të thellë të institucioneve që ndjekin problematikat e mjedisit dhe kalimin e inspektimit në terren pra Agjencisë Kombëtare të Ruajtjes se Territorit, një vepër e madhe që duhet të shkojë në gjithë kuadër të luftes kunder krimit mjedisor po ashtu miratimin në Parlamentin shqiptar, vetëm në ndryshimet e fundit që i bëmë kodit penal të futjes se krimit mjedisor si një vepër penale e ka bërë qe gjithe ky kuader,te jete nje kuader i plote ligjor dhe administrativ për të luftuar për një Shqipëri të pastër, por sado të përpiqen institucionet shtetërore do të jetë luftë e mangët nëse s’ka bashkëpunim me qytetarët”. /e.s/
