Pothuajse 20% e fëmijëve emigrantë të pashoqëruar nga Shqipëria që kanë kaluar me gomone drejt Britanisë, janë zhdukur. Shifrat janë publikuar nga media britanike, BBC, e cila shkruan se nga 197 fëmijë shqiptarë të pranuar në njësitë e kujdesit në Britani, 39 janë zhdukur.
Ecpat UK, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese. Sipas tyre, deri më 7 nëntor, 39 ishin regjistruar si të zhdukur.
Shifrat e qeverisë tregojnë se 44,122 njerëz kanë kaluar me varka të vogla deri më tani këtë vit, krahasuar me 28,461 që mbërritën në 2021.
Kjo kontribuoi në mbipopullimin në qendrës së pritjes së emigrantëve në Manston në Kent, e cila në një moment mbante më shumë se dyfishin e kapacitetit të saj, me rreth 4000 njerëz.
Për Këshillin e Qarkut Kent, të mos dihet se ku ndodheshin 39 nga fëmijët shqiptarë për të cilët ishte ngarkuar të kujdesej, duhet të jetë jashtëzakonisht shqetësuese.
Por ata shtojnë se mund të jetë shumë e vështirë të parandalosh që disa fëmijë të zhduken.
Ata po përpiqen të identifikojë në mënyrë proaktive fëmijët që mund të jenë në rrezik shfrytëzimi.
/s.f
