Trafiku i veprave të artit në Itali, 52 në pranga, mes tyre edhe dy shqiptarë
Policia italiane me anë të një operacioni të koduar “Last Fraud” i shtrirë në 9 provinca italiane ka çuar në vënien nën hetim të 52 persona mes të cilëve dhe 2 nënshtetas shqiptarë. Ata akzuhone për trafik veprash arti me një vlerë rreth 20 milionë euro.
Gjatë kontrollit të banesave në Bolonja, Parma, Mantova, Rimini, Ferrarra, Modena, Breshia dhe Krotone, janë sekuestruar materiale arkeologjike të epokës romane mes të cilave një shpatë e dy monedha antike, material historik siç është rekuperimi i statujës së një shqiponje romane e kohës së fashizmit, tre tekste antike, një vepër e Pikasos të cilës do t’i vlerësohet autorësia e nëse është origjinale ka një vlerë prej 3 milionë euro, etj.
I gjithë materiali i sekuestruar nga Policia kapërcen vlerën e 20 milionë euro.
Ndaj 52 personave vënë në hetim, mes të cilëve dhe 2 shqiptarë rëndojnë akuzat pjesëmarrjes në organizata kriminale për trafikimin e veprave të artit, mashtrim, fallsifikim, mbajte arme pa leje, përdorim lëndësh narkotike etj.
