Mbetet në burg shtetasi italian Enrico Gazzo, i arrestuar një ditë më parë në aeroportin e Rinasit pas një urdhërarresti ndërkombëtar të lëshuar nga autoritetet Peruane.
Gjykata e Tiranës caktoi masën e “arrestit me burg” për italianin e shumë kërkuar, i akuzuar për trafikimin e 1 ton e 600 kg kokaine në vitin 2008, me vlerë 350 milionë Euro.
Vendimi u dha paraditen e së hënës nga Gjykata e kryeqytetit.
Gazzo ishte shpallur në kërkim ndërkombëtar nga autoritetet peruane.
Autoritetet shqiptare janë në pritje të kërkesës për ekstradim nga Ministria e Drejtësisë së Perusë.
Ndërkohë INTERPOL është njoftuar nga autoritetet shqiptare. /a.m.
