Shkëlzen Berisha, djali i ish-kryeministrit Sali Berisha ka reaguar pas deklaratave të Ministrit të Brendshëm, Saimir Tahiri, i cili tha se ‘kolumbianët’ e ashtuquajtur të drogës në Shqipëri janë shqiptarë të varfër, duke përsëritur se i kupton që duan t’i shpëtojnë varfërisë duke mbjellë kanabis.
Por Shkëlzen Berisha i kërkon që nëse iu qan hallin, mos t’ua marrë lekët për çdo bimë të mbjellë.
“Mediat ndërkombëtare e quajnë trafikant droge por Saje qorri u qan hallin atyre që mbjellin kanabis. Nëse e ka sinqerisht duhet më së paku të mos u marrë lekët e t’u bëhet pjesë për çdo bimë që mbjellin”, shkruan Shkëlzen Berisha.
Ai thotë se Tahiri duhet të zbatojë vendimin e gjykatës dhe të paguajë gjobën për shpifje.
“Le të vazhdojë të tjerrë rrena, por më parë të zbatojë vendimin e gjykatës e të paguajë gjobën për shpifje. Është i vetmi ministër në Europë që nuk zbaton vendimin e gjykatës. Aq më tepër tani që ka shitur dhe ‘Audin’ tek ‘hallexhinjtë’ e drogës”, shkruan Shkëlzen Berisha.
BW/d.i.
