Avokati i Popullit Igli Totozani ka shpërndarë një mesazh ngushëllimi për famljet e viktimave që shkaktuan përmbytjet në Maqedoni. Ai shpreh solidaritetin për familjet e personave që humbën jetën.
Mesazhi i Totozanit:
Avokati i Popullit, z. Igli Totozani, shpreh keqardhjen më të thellë për humbjen e jetëve njerëzore gjatë përmbytjeve që goditën shtetin fqinj, FYROM. Z. Totozani shpreh ngushëllimet më të ndjera për familjarët e viktimave, si dhe për të gjithë familjet e prekura nga kjo fatkeqësi natyrore.
Avokati I Popullit të Shqipërisë shpreh solidaritetin maksimal në këto ditë të vështira për fqinjët tanë duke theksuar se “të gjithë duhet të jemi bashkë në këtë dhimbje të madhe”.
