Kryeministri Edi Rama njoftoi se Shqipëria do të nisë një bashkëpunim me kompaninë lider botëror në inteligjencë artificiale, NVIDIA, për projektin e ministres së inteligjencës artificiale “Diella” si dhe në fushën e prokurimit publik.
“Ishim në një takim me Zoom me NVIDIA, dhe ishin shumë të gatshme për të bërë partneritet për Diellën. Së shpejti do të vijë këtu ekipi i NVIDIA-s për të filluar punën dhe për ta çuar Diellën në një nivel krejt tjetër,” tha Rama.
Ai shtoi se sfidat e tjera lidhen me prokurimin publik, ku do të transformohet qasja e administratës dhe do të krijohen modele për të tjerët.
“Sfidat e tjera që do të bëni lidhen me prokurimin publik, duke transformuar totalisht qasjen e një administrate të re dhe duke u bërë model edhe për të tjerët. Edhe aty do të punojmë me NVIDIA-sic, ashtu si po punojmë me Microsoft”, tha Rama.
Rama theksoi rëndësinë e stafit dhe punës së deritanishme, duke e konsideruar si një nga asetet më të vyera të shtetit shqiptar, që ka dhënë jetë revolucionit digjital dhe ka bërë Shqipërinë lider në rajon dhe shembull pozitiv në çdo raport ndërkombëtar mbi qeverisjen digjitale.
“Kjo është e mundur sepse ju jeni shumë të çmuara. Nëse do të fikeshin dritat e kësaj shtëpie, Shqipëria do të rikthehej në epokën e gurit’, tha Rama.
