Kreu i FRD Bamir Topi i ka bërë thirrje kryeministrit Rama që ta çojë sa më parë për votim reformën në drejtësi duke thënë se ai nuk ka pse t’i lutet opozitës. Sipas Topit, nëse votat nuk sigurohen, atëherë reforma të shkojë për referendum.
“Rama që është kryetari i mazhorancës duhet t’i lërë lutjet por duhet që drafti i supervizuar nga Venecia të futet në Parlament dhe pastaj të shfaqet dukshëm vullneti politik kush e do, kush nuk e do. Nëse reforma në drejtësi rrëzohet,dështon në Parlament, atëherë ne i bëjmë thirrje ti drejtohemi referendumit”, tha Topi.
Topi tha se edhe reforma zgjedhore ndodhet në kolaps. Sipas tij, sistemi zgjedhor duhet të ndryshohet për të mos e lënë Parlamentin në dorën e mafias së vendimarrjes politike.
“Është mafia e vendimarrjeve politike që po e devijojnë ecurinë e këtij vendi dhe po e kthejnë mbrapsht në situara dramatike. Këtu hyjmë në një paradoks të jashtëzakonshëm që ndodh vetëm në Shqipëri, korrigjo sistemin. Lejo njerëzit të votojnë, mos ia deformo votën, bëji listat e hapura dhe të parët që nuk do të votohen do të jenë kryetarët e partive”, shtoi ai.
Gjatë mbledhjes së Asamblesë Kombëtare të FRD, ish kreu i shtetit, theksoi se Sali Berisha ndryshoi në 2006-ën draftin për ligjin e hapjes së dosjeve, për të mbrojtur, sipas tij, personat që i përkisnin shërbimeve të huaja agjenturore.
Ai kërkoi që të sqarohen ligjërisht dhe publikisht lidhjet e Flamur Nokës me UDB dhe të shikohet se çfarë ndikim ka patur heqja e agjentëve të huaj nga projektligji për dosjet që Berisha coi në Kuvend më 2008-
“Mbi bazën e disa të dhënave që s’janë të miat por janë të ekspozuara, ish Ministri i Brendshëm ka një suspekt të fortë që duhet t’i sqarojë, për lidhjet me Shërbimin Sekret Jugosllav. Me shërbimin informativ serb. I takon atij t’i sqarojë. Dhe po i kthehem një pyetje që e kam bërë në momentin kur isha President. Ka qenë një qëndrim konstant nga ana ime për hapjen e dosjeve të Sigurimit të Shtetit. java/ a.k
