Referuar raportimeve të të përditshmes spanjolle “Marca”, do të jetë Cristiano Ronaldo fituesi i edicionit të ardhshëm të trofeut të “Topit të Artë”. Në mbështetje të këtij parashikimi janë numrat dhe statistikat e sulmuesit portugez, që ka shkëlqyer në sezonin e tij të parë italin me Juventus.
Ndonëse ai nuk mundi dot t’i dhurojë bardhezinjve trofeun e Champions League, ishte gjithsesi deçiziv në dy titujt e tjerë të siguruar nga Juventus: Kampionatin dhe Superkupën e Italisë. I përzgjedhur edhe si futbollisti më i mirë i Seria A, CR7 u rendit i treti në klasifikimin e golashënuesve më të mirë në Itali, pas Quagliarella dhe Zapata.
Gjithsesi nuk përfundon këtu. Sulmuesi i jashtëzakonshëm ka ndihmuar përfaqësuesen e tij të Portugalisë që të fitojë edicionin e parë në histori të Ligës së Kombeve, falë edhe tripletës së realizuar prej tij në gjysmëfinalen ndaj Zvicrës. Në rast të konkretizimit, ky do të ishte trofeu i gjashtë i “Topit të Artë” për Cristiano Ronaldon. Veç të përhershmit Messi, në këtë garë portugezi i Juves duhet të mposht këtë herë edhe Mbappe, Mane dhe Van Dijk.
