Deputetja e PD, Jozefina Topalli, akuzoi Ramën dhe Bashën se kanë marrë në dorë procesin e Vettingut. Sipas saj, emrat që kanë shkuar në Kuvend për votim, janë produkt i marrëveshjes mes Ramës dhe Bashës.
“Këta 27 emra, ato që s’janë tuajit, janë të paktit tënd me z.Basha.Nëse kjo është produkti i parë i marrëveshjes tuaj, është një kambanë alarmi. Unë kam këtë kurajë ra them për një arsye të thjeshtë. Janë shumë pak kur në 2007 filluan një mocion mosbesimi ndaj meje, sepse nuk pranova që të votohej një gjykatëse që kishte një dosje të rëndë të saj dhe familjes, për korrupsion dhe trafik droge. Ishte shumë vite më parë kur të gjithë heshtnin. Sot ju po bën fortifikimin e korrupsionit në drejtësi. S’më shkon mendja të votoj në bllok njerëz të cilët kanë mbyllur proceset duke paguar para”, u shpreh Topalli.
Por i menjëhershëm ka qenë edhe reagimi i kryeministrit Rama. Ai i ka shprehur keqardhjen Topallit që s’do të jetë sesionin e ardhshëm të Kuvendit, por për këtë nuk duhet ta bëjë përgjegjës.
“Jozefinë nuk do të kem në sesionin e ardhshëm dhe për këtë nuk është faji im. Është pasojë e konformizmit tënd. Nuk kam asnjë lidhje me këtë listë. Jam krenar që njoh Ina Ramën dhe më vjen kjeq t’i e lakon atë grua. Është një nga viktimat më shembullore të shkeljes së parimeve dhe normave e cila edhe pse me vendim gjykate nuk u lejua kurrë të punonte. E mbylle me nivel të ulët karrierën tënde parlamentare. Vetting-u është jo vetëm i duhur, por dhe i domozdoshëm ka mbështetjen e gjithë popullit shqiptar. Je përgjegjëse Jozefinë për vonimin e vetting-ut”, u shpreh kryeministri.
ma.me/javanews.al
