Ish kryetarja e Kuvendit, deputetja e PD Jozefina Topalli i është referuar raporteve të fundit të Bankës Botërore dhe DASH, duke thënë se Shqipëria është zhytur në një krizë të thellë papunësie dhe korrupsioni. Sipas Topallit, qeveria nuk ka më kohë të gjejë justifikime për dështimin e saj në ekonomi, duke theksuar se varfëria ka shkuar në 5 % të popullsisë.
“Janë një sërë raportesh që thonë të kundërtën e asaj që thotë qeveria. Ka një refren të vetëm Korrupsioni! Brenda 24 orëve kanë dalë 4 raporte për vëndin tonë, më të zezat për ne. Vetëm në një vit kanë ikur qindra mijëra shqiptarë.
Në qytetin tim si në cdo qytet të vendit, varfëria ka shkuar aty ku nuk mban më. Varfëria është trefishuar dhe katërfishuar! Sipas raporteve të BB dhe DASH është 5 %, ka qenë 1.2%.
Është e frikshme dhe katastrofike situata ekonomike në vendin tonë. Kujt i thotë qeveria se është rritur punësimi?! Ku?! Në cilin sektor? Papunësia është rritur në nivel progresiv. Ka një arsye që renditet në cdo listë, është korrupsioni, është babëzia. 1 mln dollarë dëme ekonomike thotë KLSH.
Por cfarë ndodh në anën tjetër? Në anën tjetër kemi modelin e Koços…”- tha Topalli.
