Në një raport të Top Channel nga Katania ditën që Habilajt dolën në gjyq në Katania, gazetari i Top Channel raportoi se “emri i Tahirit nuk del në dosje”.
Kjo është thënë një ditë pasi Tahiri ka deklaruar se nuk ka çështje ndaj tij në Itali.
Të gjitha faktet, përfshi dhe “bombën” e sotme, tregojnë se nuk ka pasur çështje, por ka një kërkesë të Prokurorisë shqiptare për të hapur çështjen ndaj Tahirit, që i është përcjellë palës italiane, e cila ka proceduar më pas me hapjen e hetimeve.
Gazetari i Top Channel raportoi nga Katania duke intervistuar një avokat, duke theksuar faktin që emri i Tahirit nuk del në dosje.
Habilajt dalin gjyq, avokatët: Emri i Tahirit nuk del në dosje
Ja pjesa e intervistës ku flet për Tahirin.
Top Channel: Në Shqipëri është bërë lajm, sepse është përfshirë edhe emri i një ish-ministri….
Avokati Catalano: Shiko, mua s’më rezulton kështu. Atëherë, për këtë figurë, për ish-ministrin më kanë folur të tjerët, por jo aktet. Mua nga aktet nuk më rezulton as edhe një presje. Ndaj objektivisht duhet të flas për një gjë që e kam dëgjuar nga jashtë procesit dhe jo brenda procesit. Mua s’më ka ndodhur ta takoj asgjëkundi, nuk ekziston të paktën nga aktet që kam konsultuar unë. Por më duhet ta rithem, bëhet fjalë për një pjesë shumë të vogël të përmbledhjes, më pas në pjesën tjetër nuk e di se çfarë mund të ketë. Deri në këtë pikë, mua s’më rezulton asgjë për ndonjë autoritet politik apo ndonjë tjetër.
Tashmë Gjykata e Katanias brenda 48 orëve, do duhet të shprehet lidhur me fatin e të arrestuarve. Prokuroria e Katanias njoftoi arrestimin në Shqipëri të Nezar Seitit dhe bën të ditur se i ka dërguar Prokurorisë së Përgjithshme shqiptare informacione dhe materiale në lidhje me këtë person. Informacionet janë dërguar edhe gjatë aksionit kur u kap një sasi prej 4 tonësh hashash.”
“Bomba” e sotme, natyrisht përbën një lajm për zhvillimet që kanë ndodhur me kërkesë të Prokurorisë shqiptare, por jo me zhvillimet në Katania.
Përpara dyzet ditësh nuk ka thënë vetëm Tahiri që nuk kam proces të hapur, dhe nuk ka pasur, por vetë Top Channel ka raportuar nga burimet e veta të njëjtën gjë.
Lajmi do ishte më normal të flitej pë zhvillime të reja nga çështja “Tahiri”, por jo për gënjeshtra të vjetra.
Në atë kohë dhe Tahiri, dhe Top Channel, kanë thënë të vërtetën.
Tani e kuptojmë që Tahiri u duhet “gënjeshtar”, por së paku të respektojnë lajmet e tyre, pasi vetem drejtorin e lajmeve kane ndryshuar. Gazetaret janë aty.(Marre nga TemA)
