Britanikja “Daily Mail” ka publikuar një shkrim ironik në lidhje me pushimet ish- kryeministrit Tony Blair në Dhërmi.
“Është Tony Tiranasi! Pak javë pas akuzave të bëra nga Londra, Blair merr rreze dielli me kryeministrin shqiptar sikur nuk i intereson asgjë në botë”, shkruan Daily Mail.
“Një muaj më parë ai dukej keq emocionalisht pasi tregoi keqardhjen e tij në një konferencë shtypi në Londër mbi gabimet e bëra pas vendimit të tij për të pushtuar Irakun. Por javën e kaluar, Tony Blair kishte një figurë shumë të ndryshme. Veshur një këmishë të hapur, syze dielli firmato dhe me një varëse floriri me kryq ai duket në një foto duke shijuar rrezet e diellit të Europës Jugore ku duket sikur trauma e hetimeve të Chilcot kanë qenë shumë kohë pas”, vijon artikulli.
Ishte Kryeministri Edi Rama qe postoi foton e tyre në Facebook. Ata mesohet se janë në Dhërmi, një fshat në jug, ku Rama është me pushime.
63-vjeçari Blair është parë të arrijë në zonë javën e kaluar me një helikopter ushtarak. Sipas medieve lokale ai u ul në një stadium në Himarë, rreth 130 milje në jug të kryeqytetit Tiranë.
D.i.
