Reali i Madridit blindon një nga liderët e mesfushës së Los Blancos. Toni Kroos ka zgjatur zyrtarisht deri në vitin 2023 kontratën e tij me klubin merengues duke larguar përfundimisht zërat e merkatos që e kanë rrethuar gjatë këtyre muajve të fundit.
Ka qenë vetë klubi i Realit që me një komunikatë në faqen zyrtare ka bërë publike zgjatjen e bashkëpunimit me Kross edhe për 4 vite të tjera. Toni Kroos u transferua te Reali në vitin 2014 nga Bayern Munich dhe gjatë këtyre 5 viteve ka zhvilluar 233 ndeshje me Los Blancos duke realizuar 13 gola./ i.h
