Komiteti organizativ i Lojërave Olimpike të Tokios, bëri të ditur të shtunën se pishtari që mban flakën olimpike do të përshkoj vitin e ardhshëm lokalitetet më të rëndësishme japoneze, përfshirë edhe vendet që janë trashëgimi botërore si dhe zonat e goditura nga fatkeqësi të mëdha natyrore.
Pishtari do të udhëtojë nëpër 857 komuna të 47 prefekturave japoneze, duke vënë në dukje simbolet e rindërtimit të vendit nga tërmeti dhe cunami i vitit 2011, ku si pasojë mbetën të vdekur rreth 16 000 njerëz, si dhe Fukushimën e cila u trondit nga një tragjedi në centralin bërthamor të saj.
Gjithë kjo rrugë do të përshkohet për 121 ditë, gjatë të cilave pishtari do të mbahet nga rreth 10 000 persona.
Zjarri olimpik do të bëjë hyrjen në stadiumin e ri kombëtar në Tokio, më 24 korrik gjatë ceremonisë së hapjes së Lojërave Olimpike.
/a.rada
