Tre persona kanë rënë në prangat e policisë të dyshuar si autorë të një sërë vjedhjesh në Fier. Specialistët për Hetimin e Krimeve në Komisariatin e Policisë Fier zbardhën disa vjedhje të cilat ishin kthyer në shqetësim për banorët e Fierit.
Policia arrestoi K.D., 18 vjeç, O. L., 15 vjeç dhe K.Gj., 15 vjeç, të tre banues në Fier, që ishin kthyer në shqetësim për banorët.
Ata dyshohen se kanë vjedhur:
- Një furr buke në lagjen “Apollonia”, Fier.
- Portofolin e shtetases A.H në Lushnje
- Një biçikletë në lagjen “Kastriot” Fier.
- Një sasi lekësh në një mjet tip furgon në lagjen “Kastriot” Fier.
- Një telefon të markës “IPHONE 7”, në një automjet në lagjen “Kastriot” Fier.
- Disa sende nga një mjet tip furgon në lagjen “Liri” Fier.
- Një sasi lekësh në një farmaci në lagjen “1 Maj” Fier.
- Një sasi lekësh në një makinë në lagjen “1 Maj” Fier.
Materialet i kaluan Prokurorisë pranë Gjykatës së Shkallës së Parë Vlorë për veprën penale “Vjedhje e kryer në bashkëpunim”.
E.Xh./
