Forcat e Hamasit morën peng dhe ekzekutuan 108 persona, trupat të cilëve u nxorën nga kibuci në jug të Izraelit, në Beri, në një nga komunitetet më të njohura hebreje, ku popullsia arrin në një mijë banorë. Forcat izraelite të sigurisë raportuan se gjetën mbi 100 të vdekur të cilët më parë ishin marrë peng.
Trupat e njerëzve të vrarë ishin futur në qese të bardha. Sipas pamjeve nga kamerat përreth kibucit, terroristët e Hamasit me kallashnikov masakruan familje. Videoja e publikuar nga Daily Mail tregon momentin e tmerrshëm kur burrat e Hamasit nga një automjet qëllojnë dhe vrasin civilë.
Kibuci duket se është i mbuluar nga një portë metalike e verdhë, e cila është thyer nga Hamasi.
“Ata ecnin nëpër Beri sikur të ishte pronë e tyre”, tha një nga të mbijetuarit. “Ata po qëllonin pa dallim, rrëmbyen këdo që mundën, po digjnin shtëpitë e njerëzve”, shtoi ai, duke e përshkruar sulmin me terma masakre.
Pamjet e tjera nga vendbanimi hebre tregojnë civilë me duar të lidhura pas shpine, duke u udhëhequr nga një person i armatosur në një vend të caktuar.
Forcat e Mbrojtjes të Izraelit (IDF) u dhanë përfaqësuesve të mediave të huaja akses në zonë, një nga më të goditurat kur militantët e Hamasit sulmuan Izraelin nga Rripi i Gazës./m.j
