Nga Eduard Zaloshnja
Para një dekade hartova dhe drejtova një sondazh rigoroz opinioni me 1200 të anketuar në gjithë vendin për fondacionin gjerman Konrad Adenauer Stiftung. Fokusi ishte në veçanti tek opinioni i shtresave të ndryshme të Ish-të Përndjekurve Politikë. Përkufizimi i familjeve të përndjekura përfshinte ato që kanë patur të afërm të pushkatuar dhe/ose të burgosur dhe/ose të internuar, dhe/ose të arratisur dhe/ose të dëbuar dhe/ose të shpallur kulak dhe/ose të përjashtuar nga partia dhe/ose të transferuar në provinca të largëta dhe/ose të paarsimuar për arsye politike/biografike etj.
Nga ai sondazh rezultoi se 55% votueve të PD-së më 2013 ishin nga familje të përndjekura gjatë regjimit komunist.
Vijmë në ditët e sotme.
Në pranverë hartova dhe drejtova një sondazh rigoroz opinioni me 1100 të anketuar në gjithë vendin për fondacionin gjerman Friedrich Ebert Stiftung. Fokusi nuk ishte në veçanti tek opinioni i shtresave të ndryshme të Ish-të Përndjekurve Politikë, por kishte edhe pyetje rreth tyre.
Nga ai sondazh, rezultoi se pasardhësit e familjeve të përndjekura gjatë regjimit komunist përbënin vetëm 27% të zgjedhësve që ia dhanë votën kandidatëve për kryebashkiakë të Berishës.
Një rënie dramatike kjo e peshës specifike të segmentit të ish-të përndjekurve politikë në elektoratin e PD-së së Berishës: nga 55% në 27%!!!
