Njësitë koreanoveriore që po luftojnë për Rusinë kundër Ukrainës, kanë pësuar humbje të konsiderueshme gjatë fundjavës, me të paktën 30 ushtarë të vrarë ose të plagosur në fshatrat pranë frontit të luftës në rajonin e Kursk.
Deklarata e agjencisë ukrainase të spiunazhit ushtarak vjen pasi presidenti Volodymyr Zelensky tha të shtunën se Moska po përdorte për herë të parë një numër të madh trupash koreanoveriore për të ndërmarrë sulme në rajonin e Kursk, rajon rus ku Ukraina po zhvillon prej gushtit një inkursion ndërkufitar.
Siç thuhet, Moska po riformaton njësitë pas humbjeve të pësuara, teksa përveç viktimave flitet edhe për të zhdukur. Kjo është hera e parë që Kievi flet për humbje të përmasave të tilla mes trupave koreano veriore dhe në mënyrë të detajuar, shkruan A2 CNN.
Në deklaratë thuhet se viktimat janë shënuar rreth fshatrave të Plekhovo, Vorozhba dhe Martynovka në rajonin e Kursk, por pa oftuar të dhëna. Kremlini refuzoi të komentonte pretendimet ukrainase, ndërsa deri më tani Rusia nuk ka pranuar por as mohuar praninë e trupave të Phenianit në fushëbetejë.
Fillimisht Koreja e Veriut i cilësoi si fake news raportimet për dërgimin e ushtarëve të vet në Rusi, por më vonë një zyrtar tha se një hap i tillë do të ishte i ligjshëm… Ndërkohë, ministrat e Jashtëm të BE i kanë dhënë dritën jeshile paketës së 15-ë të sanksioneve kundër Rusisë. Në të përfshihen 54 persona e 30 entitete që siç thuhet, konsiderohen si përgjegjëse për vepirme qe kërcënonë integritetin territorial dhe sovranitetin e pavarësisë së Ukrainës.
Sanksionet synojnë gjithashtu të godasin kompanitë e natës jashtë BE, të cilat janë pjesë e flotës hije të Putinit.
